Скопје, 9 октомври (МИА) - Етно-групата „Баклава“ денеска во Скопје го промовираше новиот албум насловен „Калемар“.
Елена Христова вокалистот на групата истакна дека ова е втор по ред албум. ЦД-израднието содржи 14 композиции од кои повеќето се авторски, со музика и текстови од членови на групата, а само три се традицонални песни.
- Задоволни сме од првиот албум со оглед дека тој беше концертен. Ова е прв наш студиски албум. Го нарековме „Калемар“ заради калемењето на новата музика со старата традицонална македонска песна, рече Христова.
По повод излегувањето на албумот, таа најави и промотивен концерт на групата во текот на ноември во Скопје, по што ќе следат концерти во градовите низ Македонија.
Материјалите се снимени во студиото „Кларион“, а издавач е „Скопје џез-фестивал“. Покрај вокалистката Христова, членови на оваа култна македонска група се и Дејан Сибиновски кој свири на деф и Никола Николов и Владимир Мартиновски, кои музицираат на тамбура. ва/вј/15:10