Куала Лумпур, 8 февруари (МИА) - Судот во Малезија осудил маж и жена осомничени за неверство на парична казна, но и на казна во натура, која се состоела од пет домашни животни.
Судот на градот Пенампанг ги осудил прељубниците на глоба од по 210 евра, но одредил и надокнада на оштетената страна која се состоела од четири биволи и една свиња. Вредноста на тие животни е проценета на околу 1.260 евра.
Пред една година, сопругата на неверниот маж поднела тужба откако ги затекнала прељубниците во „лесна облека“ во семејната куќа.
Двајцата љубовници на судот се бранеле објаснувајќи дека се само добри пријатели, но нивниот аргумент е отфрлен. ми/16:24
###