Скопје, 9 март (МИА) - Во Албанскиот театар - Скопје од денеска на репертоарот е претставата „www.норвешка.денес.com.mk“ по текст на Игор Бауершима и во режија на Зоја Бузалкова. Текстот на Бауершима „Норвешка денес“ е преведен на дваесетина јазици и е поставен на стотина театарски сцени во светот.

Со режисерскиот концепт на Бузалкова кон ова дело и со играта на актерите Амернис Нокшиќи-Јовановска и Фисник Зеќири е создадена современа претстава, каква што е и темата што таа ја раскажува - отуѓеноста на младите луѓе и нивната затвореност во виртуелниот свет на интернетот.

- Поврзани преку интернет четовите, без идеја за тоа што сакаат да направат со своите животи, отуѓувањето од реалниот свет и избледеноста на боите на животот тангираат цели генерации на млади луѓе затворени во херметичките ѕидови. Претставата зборува за битките на животот, за љубовта, за мигот, за непроживеаното и за вреденостите на утрешното, информира Албански театар - Скопје.

Претставата се изведува на албански јазик, но е обезбеден и превод на македонски. Можат да ја следат само 70 посетители зашто публиката е сместена на самата сцена. Цената на влезниците е 150 денари. хс/са/7:42