Велес, 9 март (МИА) - Во организација на Народната Библиотека „Гоце Делчев“ денеска во Ликовниот салон во Велес беше промовирана книгата „Жените кои што го променија светот‘“ од американските автори Роус Хортон и Сали Симонс.
Книгата е во издание на „Макавеј“ и на македонскиот книжевен пазар може да се најде од 2008 година.
Темата на книгата е промоцијата на 50-тина успешни светски жени кои извршиле промена на светската историја. Во книгата преовладуваат звучни имиња на жени владетелки, воини, спортистки, иноваторки, писателки, хероини, револуционерки и уметници.
Промоторот Елена Тевчева, директор на Народната библиотека, истакна дека книгата говори за тоа дали мажите знаат и се свесни дека во денешно време не се може без влијанието на жената, која е значаен сегмент и значајна клетка во едно денешно модерно време. На промоцијата беа прочитани и најинтересни делови и мудри мисли. Промоцијата на книгата освен со читање беше проследена и со слајд шоу. ад/рп/19:14