Прага, 31 јули 2010 (МИА) - Еден 37-годишен Чех, кој загина во сообраќајна незгода близу местото Јаромјер во северниот дел на Чешка, неколку часа претходно напишал на интернет дека ќе изврши самоубиство, објави чешкиот интернет портал тн.цз.
Како што јави дописникот на МИА од Прага, возачот го загубил животот откако со голема брзина излетал од патот и удрил во бетонските столбови на еден мост.
Според чешката интернет страница, неколку часа пред несреќата, тој на социјалната мрежа „Фејсбук“ оставил порака во која се збогувал со своите пријатели, доверувајќи се дека има проблеми во бракот и не сака повеќе да живее. сќ/сп/10:00
###