Nju-Jork, 31 korrik 2010 (MIA) - Grupacioni amerikan bankar "Goldman Saks", të cilin shumë analistë e cekin si fajtorin kryesor për krizën me kreditë e hipotekave në SHBA para dy viteve, është i interesuar për ndërmarrjen e "Bankës së re të Lubjanës" (NLB) sllovene.

Sipas burimeve në Qeverinë sllovene, krahas "Goldman Saks" në lojë për ndërmarrjen e kapitalit shtetëror në NLB është edhe grupacioni belg bankar dhe i sigurimeve, KBC, i cili tashmë posedon 30,6 për qind të aksioneve në bankën sllovene.

Shteti i Sllovenisë në NLB ka pako të aksioneve prej 48 për qind nga kapitali i përgjithshëm.

Analistët financiar, gjasa më të mëdha për ndërmarrjen e kapitalit shtetëror në NLB i japin "Goldman Saks", duke pasur parasysh se aksionarët në bankën sllovene paraprakisht e refuzuan ofertën e KBC-së për riblerje të aksioneve, me çka kompania belge do të bëhej pronari shumicë i "Bankës së re të Lubjanës".

Shitja e kapitalit shtetëror në NLB, megjithatë mbetet nën pikëpyetje, sepse pasi që ajo e kaloi "stres testin", kryeministri slloven, Borut Pahor deklaroi se Qeveria akoma mendon nëse rikapitalizimin e bankës ta kryejë me mjete të veta apo me shitjen e aksioneve.

Pjesë e grupacionit NLB është edhe banka e Maqedonisë "Tutunska banka". ab/12:07