Лос Анџелес, 31 јули 2010 (МИА) - Оскаровската Сандра Булок не планира да се смири со нејзиниот поранешен сопруг Џеси Џејмс, тврдат нејзини пријатели, откако последниве денови американските таблоиди пишуваа дека популарната глумица е „изгубена и осамена“ и решила да му го порсти неверството на доскорешниот брачен партнер.
Некои таблиди тврдеа и дека Булок сака да се смири со Џејмс, но дека стравува оти тоа може негативно да се одрази на нејзината кариера.
Пријателите на Булок тврдат дека ваквите написи се небулози, а, според нив, таа дала „зелено светло“ Џејмс да се пресели во Остин, само за да може да биде близу до неговите деца, кои „и прираснале за срцето“.
- Сандра многу ги сака децата, но апсолутно нема никаква намера да се смири со Џеси. Сакаше развод по итна постапка за да може да продолжи со својот живот. Се однесува цивилизирано кон Џеси само за доброто на децата и тоа е се, тврди неименуван пријател на Булок. сп/12:40
###