Nju-Jork, 31 korrik 2010 (MIA) - Përfaqësues të lartë të jetës politike dhe shoqërore në SHBA, të shtunën pritet të marrin pjesë në ceremoninë e martesës së Chelsea Clinton, që është vajza 30 vjeçare e ish-presidentit amerikan Bill Clinton dhe Sekretares amerikane të Shtetit, Hillary Clinton.
Ajo martohet me partnerin e saj shumëvjeçar Marc Mezvinsky, në pushimoren Rhinebeck në lumin Hudson, në shtetin e New Yorkut.
Përveç prindërve të vajzës, mes të tjerëve në dasmë do të marrin pjesë edhe ish-Sekretarja e Shtetit, Madeleine Albright, regjisori i njohur Steven Spielberg, moderatorja televizive Oprah Winfrey, e të tjerë.
Autoritetet e aviacionit e kanë shpallur zonë të ndalimit të fluturimeve të aeroplanëve, hapësirën mbi vendin ku mbahet dasma. ab/13:11
###